वैजापुर तालुक्‍यातील शंभर शेतकरी बांधवाच्‍या शेतात वनामकृवि विकसित बाजरी वाणांचे प्रात्‍यक्षिके

मौजे खंडाळा तालुका वैजापूर येथे बाजरी शेती दिन साजरा

वसंतराव नाईक मराठवाडा कृषि विद्यापीठ परभणी अंतर्गत औरंगाबाद येथील राष्ट्रीय कृषी संशोधन प्रकल्पाच्‍या अखिल भारतीय समन्वय प्रकल्पा मार्फत आंतरराष्‍ट्रीय इक्रिसॅट (ICRISAT) संस्था व जोधपुर येथील अखिल भारतीय बाजरी समन्‍वयक प्रकल्प यांच्या संयुक्‍त विद्यामाने औरंगाबाद जिल्‍हयातील वैजापूर तालुक्‍यातील खंडाळा, बाबुळतेल, नायगाव्हण येथे राष्ट्रीय कृषि संशोधन प्रकल्प व कृषि विभाग आत्मा यांच्या मार्फत १०० शेतकरी बांधवांना एएचबी-१२०० संकरित बाजरी वाणचे बियाणे प्रात्‍याक्षिकाकरिता देण्यात आले होते. हा कार्यक्रम माननीय कुलगुरू मा. डॉ. इन्‍द्र मणि व संशोधन संचालक डॉ. दत्तप्रसाद वासकर यांच्या मार्गदर्शनाखाली राबविण्यात आला.

दिनांक २१ सप्‍टेंबर रोजी शेती दिनाचे औचित्य साधुन शेतकरी बांधवांना वाणाचे गुणधर्म, लागवड व पिक पद्धती व आहारातील महत्व या  विषयावर चर्चा करण्‍यात आली. सन २०२३ वर्ष संयुक्त राष्ट्र संघटनेने व भारत सरकारने आंतरराष्ट्रीय पौष्टिक तृणधान्य वर्ष म्हणून साजरे करण्याचे आवाहन केले आहे. त्या अनुषंगाने बाजरी पिकाचा पीक पद्धतीत व आहारात समावेश करून बाजरी पिकाविषयी शेतकऱ्यांना महत्त्व पटवून देण्याच्या दृष्टीने व मूल्यवर्धनाच्या दृष्टीने विद्यापीठाच्या वतीने प्रयत्न चालू आहेत. यादृष्टीने डॉ सूर्यकांत पवार यांनी मार्गदर्शन केले.

इक्रिसॅट आणि वनामकृविच्‍या वतीने बाजरीचा जैवसंपृक्त संकरित वाण एएचबी १२०० (AHB-1200) आणि एएचबी १२६९ (AHB-1269) असुन यात इतर बाजरी वाणाच्‍या तुलनेत लोह व जस्‍ताचे प्रमाण अधिक आहे. एएचबी १२०० यामध्ये लोहाचे प्रमाण ८७ पीपीएम व जस्तचे प्रमाण ३७ पीपीएम आहे त्याच प्रमणे एएचबी १२६९ (AHB-1269) वाण मध्ये लोह ९१ पीपीएम व जस्त ४३ पीपीएम आहे. 

शेती दिन कार्यक्रमास सहयोगी संचालक संशोधन डॉ सूर्यकांत पवार, प्रकल्प उपसंचालक आत्मा श्री अनिल कुलकर्णी श्री तालुका कृषी अधिकारी वैजापूर वेंकट ठक्के, वनस्पती रोग शास्त्रज्ञ डॉ दिलीप हिंगोले, कृषी विद्या तज्ञ डॉ चंद्रकांत पाटील, पीक पैदासकार डॉ आशिष बागडे, कृषी बाजरा संशोधन केंद्राचे श्री एन एन कुंदे, कृषी पर्यवेक्षक श्री विशाल दागोडे, कृषी सहाय्यक श्रीमती जेजुरकर मॅडम, कृषी पर्यवेक्षक श्री दत्ता पुंड शिवूर, तालुका तंत्रज्ञान व्यवस्थापक श्री प्रसाद शिंदे, शेतकरी श्री अशोक पवार, श्रीमती सुनिता अशोक पवार, सुभाष सूर्यवंशी, पांडुरंग सूर्यवंशी, नामदेव सूर्यवंशी, छगन पवार, चंद्रकलाबाई पवार, ज्योती सूर्यवंशी, संजय बागुल, सुदाम पवार, रविंद्र पवार, सुनील पवार, परमेश शेख, राजेंद्र जानराव भगवान सूर्यवंशी, संतोष गाडेकर, लक्ष्मण सूर्यवंशी, पंडित गाडेकर, जिजाबाई सूर्यवंशी, रंजना गायकवाड, ज्ञानेश्वर घोडेकर, अकबर शेख इत्यादी उपस्थित होते. यावेळी शेतकरी बंधू यांनी या वाण विषयी  मनोगत व्यक्त केले.